Урманға экскурсия
Урамда октябрь, ә көҙ үҙенең йылы көндәре менән беҙҙе һаман да ҡыуандыра. Йыл һайын көҙ көнө балалар менән урманға экскурсияға барабыҙ. Бына, 13 октябрь, Меңйетәр ауыл мәҙәниәт йорто хеҙмәкәрҙәре менән берлектә балаларҙы йыйып көҙгө урманға сығырға ҡарар иттек. Экскурсия алдынан юл йөрөү, урманда үҙ-үҙеңде тотоу ҡағиҙәләрен иҫкә төшөрҙөк. Һәм бына беҙ урман аҡланында. Бында иҫ киткес матур. Балалар менән бергә һәр көн тирә-яҡ тәбиғәт күренешенең үҙгәреүен билдәләнек, матурлығына иғтибар иттек, хәрәкәтле уйындар уйнап алдыҡ. Зәңгәр күккә, йылы аяҙ көнгә, урмандың төрлө биҙәктәренә һоҡланып, ағастарҙан һап-һары япраҡтарҙың ҡойолғанын күҙәтеп, урман һауаһын кинәнеп һулап, тәнгә сихәт, йәнгә рәхәтлек йыйып ҡайтыр юлға сыҡтыҡ…
Көҙгө урман бигерәк матур
Алтын төҫөнә кергән.
Ҡойолған hары япраҡтар
Балаҫ булып түшәлгән.
Ағастар яланғас ҡалғас
Күк төҫкә кергән урман.
Безелдәмәй бөжәктәр ҙә
Ҡоштар тауышы тыңған.
Көҙгө урман бигерәк матур
Алтын төҫөнә кергән.
Ҡойолған hары япраҡтар
Балаҫ булып түшәлгән.
Ағастар яланғас ҡалғас
Күк төҫкә кергән урман.
Безелдәмәй бөжәктәр ҙә
Ҡоштар тауышы тыңған.